Nome Común: Morcego común / Pipistrelo común / Morcego anano / Morcego unteiro
Nome Científico: pipistrellus pipistrellus
Familia: Vespertilionidae
Presenza: A especie adáptase facilmente a novos ambientes e por esa razón pódese atopar nunha gran diversidade de hábitats. Refúxiase durante todo o ano en gretas e oquedades, árbores, caixas-niño e construcións humanas. Ás veces en covas, durante a hibernación. Predan habitualmente os insectos concentrados en torno á iluminación urbana. É, con diferenza, a especie máis estendida por Galicia.
Descrición: Morcego pequeno. Tamaño medio: Envergadura: 200mm / Altura: 43mm Peso medio: ♂ 4gr / ♀ 4,7gr De cor parda escura, as súas orellas e rostro son máis escuros que o resto da pelaxe. Orellas pequenas e triangulares. Caza insectos de mediano e gran tamaño, sobre todo bolboretas nocturnas, escaravellos e saltóns, para o que utiliza un sofisticado sistema de ecolocalización por medio de ultrasóns. É un dos morcegos que máis senten atraídos pola luz dos farois. Non son capaces de capturar presas máis grandes nin veloces. O seu voo é lento pero son capaces de facer moitos requiebros. A época de reprodución ten lugar entre finais do verán e principios de outono, de finais de agosto a finais de setembro. Os machos defenden territorios con harenes de ata dez femias. Realizan voos de cortexo ao redor das femias e emiten un forte cheiro a almizcle. Se a cópula prodúcese nun mal momento, as femias poden atrasar a fertilización dos óvulos.