A Asociación Drosera traballa para o estudo e conservación dos morcegos de Galicia. Esta asociación ten na súa web, entre outras cousas, un Atlas de Morcegos de Galicia onde se expón información fiable e actualizada sobre a distribución dos morcegos na comunidade galega. Outra iniciativa son os Acordos de Custodia, un pacto de boa vontade entre o propietario e Morcegos de Galicia polo que ambos se comprometen a colaborar na conservación dun determinado refuxio de morcegos.
Pioneira na creación das Áreas Importantes para a Conservación das Aves e a Biodiversidade (IBA) hai máis de 30 anos. Os espazos que se declaran IBA son identificados mediante criterios acordados por investigadores e expertos e, aínda que non se trata dunha figura de protección oficial, téñense a miúdo en conta tanto en sentenzas xudiciais como por parte das administracións á hora de designar novos espazos protexidos.
Asociación dedicada exclusivamente ás aves en Galicia, á súa observación, estudo e conservación delas e dos seus hábitats. Publica un Anuario das aves de Galicia e é a responsable de celebrar, desde 1989, cada tres anos, o Congreso Galego de Ornitoloxía.
O Museo de Historia Natural da Universidade de Santiago de Compostela centra o seu futuro na divulgación científica, dando resposta ás obrigacións que ten a universidade co público.
Organiza visitas guiadas para ver as súas colecciones permanentes, visitas guiadas-recreativas de temáticas varias, tanto para membros da asociación como para público en xeral.
Entidade sen ánimo de lucro e politicamente independente, é unha das asociacións conservacionistas máis importantes de Galicia. Desde a súa fundación realiza diversos estudos sobre o medio natural galego, xunto con numerosas campañas de divulgación do patrimonionatural, e contribúe a xerar na sociedade galega unha corrente de preocupación polo medio natural.
Cataloga e cuantifica a diversidade biolóxica, co obxectivo fundamental de comprender as causas da súa variación a diferentes escalas espaciais, temporais e evolutivas. Os seus principais grupos de estudo son os insectos, os moluscos terrestres e as diatomeas.
Asociación derivada da xa extinta Asociación Entomolóxica Galega, creada para continuar facendo públicos estudos de todo tipo encamiñados a un mellor coñecemento da fauna entomolóxica galega. Permite o acceso e descarga de 27 números da Revista Galega de Entomoloxía.
Facilita as iniciativas voluntarias de conservación da natureza, a paisaxe e o patrimonio cultural en leiras privadas e públicas, e nas que os principais protagonistas serán, por unha banda, unha persoa propietaria e, por outro, unha entidade de custodia que a asesora para levar a cabo unha xestión da súa leira orientada á conservación dos seus valores e recursos.
