glosario

Abdome. Terceira parte do corpo dos insectos, desprovisto de patas no estado adulto. Poden ser globosos ou alongados; con cercos ou sen eles; con ou sen ovipositor.
Aguillón. Ovipositor transformado nun órgano de ataque e defensivo en himenópteros.
Ás dianteiras. Par de ás que se sitúan sobre as traseiras. Poden usarse para voar, producir sons ou como protección das ás traseiras e o abdome. Hainas de distintos tipos: membranosas, élitros (engrosadas, coriáceas ou duras en forma de vaina, típica dos coleópteros), hemiélitros (engrosadas na súa base, típica das chinches), con escamas e tégminas (angostas de consistencia apergamiñada, típicas de lagostas, grilos ou cascudas).
Ás traseiras. Par de ás que se sitúan pegadas ao corpo dos insectos por baixo das dianteiras. Nalgúns casos modifícanse e reducen en estruturas moi pequenas en forma de remo chamadas balancíns ou halterios.
Antenas. Apéndices multisegmentados situados na cabeza. Son órganos sensores dos insectos, principalmente táctiles, pero tamén poden desempeñar funcións olfactivas, auditivas e mesmo prensoras usándoas o macho para suxeitar a femia durante a cópula. Poden ter distintas formas: filiformes (en forma de fío), arestada (de forma compacta cun pelo no último segmento, antena típica da mosca), lamelada (con forma aplanada nos extremos, algúns escaravellos téñenas deste tipo), xeniculada (similar á articulación do cóbado, é común en formigas e abellas) e plumosa (con forma de pluma, moscas, mosquitos e avelaíñas poden tela desta forma).