colonias de morcegos
colonias de morcegos
en galicia
En Galicia existen colonias duns 900 individuos; e no Bierzo, preto do límite coa nosa comunidade, coñécese unha colonia de 3.000 morcegos. O canón do río Navia é unha das zonas de Galicia con maior diversidade de especies: unha ducia, case o 50% das 25 que se estiman en todo o noso territorio, e todas insectívoras. Os ríos son grandes corredores para os morcegos xa que están libres de obstáculos, e neles abundan a comida e os refuxios.
localización
Algunhas colonias adoitan instalarse próximas aos humanos, en faiados, muros de pedra, tellados… onde descansan polo día. Outras precisan cavidades de maior tamaño para se refuxiar, polo que recorren a grandes covas ou antigas minas, nas que podemos atopar por exemplo o morcego das covas (Miniopterus schreibersii), especie relativamente escasa en Galicia. No río Navia está presente o morcego rabudo (Tadarida teniotis), único membro da familia dos molósidos presente no noso país. Como indica o seu nome, ten o rabo longo e libre, pois non está rodeado pola membrana alar que presentan os morcegos nas súas patas traseiras, e que engloba completamente o rabo na maioría das especies de Galicia.
en santiago
Na comarca de Santiago observáronse 9 especies de morcegos, aínda que no Mapa de Morcegos de Galicia, a zona norte de Compostela, bañada polo Tambre, non foi aínda explorada. Este mapa, coas súas observacións, depende do concurso de voluntarios para cubrir todo o territorio de Galicia e quedan zonas sen prospectar, e isto como se fai?. Buscando e localizando refuxios, e mediante o estudo acústico dos sons que emiten (ecolocalización)
Deste xeito, observáronse as seguintes especies en Santiago e concellos limítrofes, posiblemente existan máis especies dado que é unha zona pouco explorada:
Morcego anano común
(Pipistrellus pipistrellus)
De pequeno tamaño (pesa ao redor de 5 gramos) é o máis estendido en Galicia. Adoita ser o que vemos voar ao redor dos farois.
Morcego rateiro grande
(Myotis myotis)
De gran tamaño, pesa ao redor de 28-29 gramos. Está confirmada a súa presenza en Santiago, aínda que é unha especie rara para esta contorna.
Morcego de ferradura pequeno
(Rhinolophus hipposideros)
Cun peso duns 6 gramos.
Morcego rateiro gris (Myotis scalerai)
Duns 6-7 gramos.
Morcego orelludo dourado
(Plecotus auritus)
Duns 9 gramos.
Morcego de ferradura grande
(Rhinolophus ferrumequinum)
Cun peso que rolda os 19 gramos.
Murciélago hortelano (Eptesicus serotinus)
De aproximadamente 22 gramos de peso.
Morcego de bosque (Barbastella barbastellus)
Con ao redor de 9 gramos
Morcego ribeireño
(Myotis daubentonii)
Duns 7 gramos.